عبايات

صفاء الظاهر

الأردن

التصميم

عباية المدينة - City Abaya

القسم عبايات

عن التصميم

على الوجهين… خبّيتِك بروحي 🌿 بوقت كان الكل عم يعبّر عن هويته بالألوان الصريحة والقوية — من حمرة البطيخ، لخضار البيارات، لهيبة الكوفية — كنا بـ “ورد” عم ندوّر على طريقة بتحكي الحكاية بشكل أعمق. طريقة ما توقف عند الرمز… بل توصل للإحساس اللي ساكن فينا، للمكان اللي يمكن ما مشيناه بخطواتنا، بس عشناه بأرواحنا. التوأمة… لما تكتشفي إنك أصلًا ما غادرتي “الأصل”. الفكرة بلشت من سؤال بسيط وصادق: “أنا الأردنية اللي قلبها فلسطيني… كيف بدي أحكي وجع غزة وفخر الأرض بطريقة بتشبهني؟” والجواب ما كان بخريطة، كان بالشعور. لما تطلعي عالسلط وتشوفي فيها ملامح نابلس، ولما تسمعي أهل الخليل وتحسي عراقتهم ممتدة بتراب الكرك… بتفهمي إنه الحكاية وحدة، وإنه الأرض بتحكي بنفس الروح مهما تغيّرت الأسماء. من شمال الضفتين لجنوبهم، اشتغلنا على مجموعة تكون لوحة كاملة… ما بتنقسم. ورجعنا “الردان”، هداك الكم الواسع اللي كان يلوّح بحرية بثياب جداتنا، ليكون جسر بين الماضي وأناقة اليوم. وتميّز المجموعة كان بفكرة “الوجهين”. كل قطعة إلها حكايتين: الوجه الأول… واضح وفخور، ألوانه وتفاصيلة بتحكي قصص المدن والتراث والانتماء. أما الوجه الثاني… فهو السر. المساحة اللي بتخبّي فيها فلسطين والأردن بقلبك، بطانة دافية وقريبة، ما بتحتاج تفسير، بس بتنحس. هوية بترافقك بهدوء… وبتعطيك قوة ناعمة طول اليوم. وبين الفكرة والتنفيذ، كانت كل غرزة محاولة نحافظ فيها على حكايات جداتنا، وعلى شعور الانتماء اللي ما بتحدّه حدود. لأن “ورد” ما كانت يوم مجرد لبس… كانت جغرافيا بتنلبس، وذكريات بتنحفظ، وأماكن يمكن ما وصلنالها… بس ساكنة فينا، وبنخبّيها بروحنا… لين يحين اللقاء. 🌾

صفاء الظاهر

تصاميم أخرى من wardbysafa

اكسسوارات الأزياء - Fashion Accessories

مجموعة تألقي

مجموعة القهوة

مجموعة هي

فن اعادة التدوير

تصاميم من نفس الفئة

#301

#302

#303

#304

#305

النشرة البريدية