اكسسوارات

صفاء الظاهر

الأردن

التصميم

اكسسوارات الأزياء - Fashion Accessories

القسم اكسسوارات

عن التصميم

# القطعة اللي بتحكي عنك.. البداية كانت بشهور حملي ببنوتتي بيارا وهي لسا جنين. وقتها كانت قطعة "الفِست" العريضة رفيقتي الدائمة. ما كانت مجرد قطعة زيادة فوق لبسي، كانت هويتي… لدرجة إن صاحبتي انتبهت وقالتلي: "هاي هي قطعتك المعبرة". ومن هون بلشت الحكاية… شغف بالقطع الغريبة اللي إلها روح، وبتقدر تحوّل أي طلة عادية لقطعة فن بتلفت النظر. ## إكسسوارات الأزياء… سحر التفاصيل بـ "ورد"، منآمن إن الأناقة الحقيقية بالتفاصيل. عشان هيك صممنا إكسسوارات أزياء بطريقة مختلفة ومش تقليدية؛ أساور أكمام، قبّات جاكيتات، وقطع مبتكرة للقمصان… تفاصيل صغيرة، بس تأثيرها كبير. قطع بتعطيكِ فرصة تجددي لبسك اليومي كل مرة، وتخلقي ستايل جديد بدون ما تغيّري خزانتك كاملة. ## إعادة التدوير… لما الذكرى تلبس من جديد شغفنا ما وقف عند الابتكار وبس، رجعنا كمان للجذور. أخذنا الأثواب القديمة بكل ذكرياتها وحكاياتها، وأعدنا تدويرها لنخلق منها قطع جديدة "معبرة". قطع بعدها شايلة ريحة الماضي، بس بروح عصرية تناسب اليوم… كأنها جسر حلو بين جيلين. ## ورد… إلنا ولنصنا الثاني ولأن "ورد" طالعة من الحب والود، حسّينا إن الجمال أحلى لما نشاركه. عشان هيك صارت مجموعتنا تشمل كمان "نصنا الثاني"، بقطع مصممة حتى نطلّ سوا بانسجام، يعكس جمال الاختلاف وروعة التآلف. "ورد" مش مجرد براند… هي فرحة بنلبسها، وذكرى بتعيش معنا، وقطعة بتحكي عنّا لما الكلمات ما تكفي.

صفاء الظاهر

تصاميم أخرى من wardbysafa

مجموعة تألقي

مجموعة القهوة

عباية المدينة - City Abaya

مجموعة هي

فن اعادة التدوير

النشرة البريدية