جاكيتات و معاطف

صفاء الظاهر

الأردن

التصميم

جاكيت مرسوم بالقهوة

القسم جاكيتات و معاطف

عن التصميم

قماش اللينين المدموج بالكتان بلون بيج مرسوم بفن و مادة القهوة . بيوم من الأيام والصبح عم بعمل قهوتي بكل رواق.. شفت تسنيم، الفنانة عم تعلن عن دورتها "رسم بالقهوة". بس تسنيم ما كانت ترسم عالورق، كانت عم "تغزل" من القهوة فن حقيقي. بلحظتها، لمعت ببالي فكرة: ليش ما ندمج الأزياء والقهوة؟ ليش ما يتحول هالمشروب اللي بنحبه من مجرد طعم لبصمة بصرية ناعمة بنلبسها؟ القهوة بالنسبة إلي مش بس مشروب، هي حالة عشق بتغمر الكل، هي الحديث الصامت اللي بيبدأ فيه العالم يومه. ومن هون ولدت الفكرة: ليش تضل القهوة محبوسة بالفنجان؟ ليش ما نلبسها؟ وهيك بدأ التحدي بين الألوان وقماش رحلة قعدت شهور، ما كانت مجرد تجارب، كانت تخطيط وتفكير ما بيخلص: * كيف نخلي هاللون البني الدافي يثبت وما يروح؟ * كيف نخلي الريحة والذكرى ملزقة بالقماش؟ وبين "تجربة وخطأ"، وبين بقعة قهوة تمردت وبقعة ثانية استسلمت لتصير لوحة، قدرنا بالأخير نخلي "اللينين" رفيقنا اليومي، ببرودته اللي بتشبه نسيم الصبح وشياكته اللي ما بتشبه شي. الكل كان يسألنا بتعجب: "كيف؟ كيف ممكن القهوة تصير قطعة لبس؟" والجواب كان دايمًا بالإصرار والمحاولة. كل قطعة صممناها ما كانت قماش وبس، كانت تجسيد لعشق وتفاصيل: * بطوية القبة، ريحة قهوة الصبح. * وعلى طرف الكم، ذكريات حكينا مع الناس اللي بنحبهم. * وبقلب كل تصميم، حطينا قصة "فنجان" ما خلص مفعوله بس شربناه، بل كمل ليكون قطعة فنية بتعطي اللي بيلبسها تميز ما بيغيب. صارت القهوة مع "ورد" فن بنلبسه، وذكرى بنعيشها، وقصة إصرار بنحكيها بكل فخر. كل ما شمينا ريحة بن، بنتذكر إن الفن الحقيقي هو اللي بنلبسه وبنعيشه كل يوم بكل بساطة وتألق. بتصدقوا إني بحب القهوة هالقد.. مع إني أصلاً ما بشربها!

صفاء الظاهر

تصاميم أخرى من wardbysafa

اكسسوارات الأزياء - Fashion Accessories

مجموعة تألقي

مجموعة القهوة

عباية المدينة - City Abaya

مجموعة هي

تصاميم من نفس الفئة

جاكيت فاخر داكن مع حواف مزية بأحجار كريمة

النشرة البريدية